話說尋日先同朋友講起一件關於鬼滅嘅真人7事。
如果你無睇鬼滅之刃，我可以講解吓個故仔，係講緊一個好似全村人的希望嘅男仔，全家被鬼滅咗，淨返個妹都變埋做鬼，於是為咗個妹（係呀好似鋼鍊咁要救返細佬）踏上咗鬼殺隊嘅滅鬼之路。而鬼殺隊就同死神啲隊差不多，死神有護廷13隊，鬼滅有9柱，今次劇場版咁多票房真係要多謝炎柱煉獄，BTW好早之前有睇鬼滅嘅我，已經鍾意咗水柱富岡，一嚟動畫嘅水畫得好靚，二嚟佢好似好有伏線想寫佢都係一個有故事嘅人（最後確定係伏唔係伏線），三嚟佢救咗男主，所以我都買咗件富岡褸，仲好毒咁著出街。
當時鬼滅喺香港仲未話好紅。
我去接另一半收工，一見到佢，就好興奮咁大嗌：睇唔睇到呀，我今日係柱呀～
成條街啲人望住。
佢拿拿臨拉住我隻手走，細細聲講：你又唔洗咁大聲嘅。
—————尷尬的分隔線—————
然後尋晚另一半話，聽日有人送貨，叫我幫佢收，我呢個好奇心爆棚嘅雙子座寶寶問咗好耐佢都唔肯講係咩，由10點問到2點，佢真係好眼瞓咁俾咗個答案我：hair spray，日本hair spray。
今日收到貨，一打開，呢個只有日本有得買嘅日本hair spray真係定曬形咁送到，我當時查過明明日本都要預購而我又係好似買唔到ps5咁買唔到。
嚟啦，寵我啦😘。
#其實我未睇無限列車 #但我有睇一秒拳王
#因為我知道導演同我一樣都有睇鬼滅
#既然鬼滅都咁多票房
#不如大家去睇一秒拳王呀 #幾熱血㗎
#我咁樣由鬼滅扭去一秒拳王真係好格硬
#btw真心推薦 #一秒拳王 #戲好睇
Search